德游系列出租个人寝室

消息来源:baojiabao.com 作者: 发布时间：2024-11-29

报价宝综合消息德游系列出租个人寝室

“你响飞机玩过 Wi-Fi 又上埋 3G，要试慨都比你试过啦，仲有无嘢要响飞机试先？”

“哈哈…咁梗系………………无啦！”

“咁仲德游系列？”

“唔讲飞机上面慨嘢啫，可以讲吓机场入面慨嘢㗎嘛～”

之前咪话我要 Delay 响 Munich 过一晚夜慨，今次航空公司有安排酒店比我住，因为要第二朝 0800 飞，编者就拣咗 0530 坐 Shuttle 响酒店去机场，预松啲时间，典知去到 Check In、过关都劲畅顺，食完个早餐就去闸口等啦，讲真六点几七点晨鸡早，基本上除咗餐厅都无乜嘢铺头开门，行街就唔使谂喇，谂住都系去到闸口坐低洽阵等上机啦。典知行到去 H32 闸口，见到有个绿色慨大型装置，外围写住“relax, sleep”，好奇走入去八卦一吓，打咗个圈见到有啲电脑比人用，又有啲台可以比人用 Notebook，行入中间又有啲半卧慨长椅比人洽吓，最后仲见到有四个“睡房”，睇清楚啲，咦…原来系“个人寝室”嚟㖞！

由度门慨玻璃望入去就系咁喇，系咪好有监仓 feel 呢？记得唔好咁懒瞓呀，咪起身比人见到个“醒样”㗎！

查实呢几个大铁箱系叫 napcabs，顾名思义，就系“出租睡房”啦！等啲转机慨旅客可以有个私人空间可以好好哋瞓返一觉叉叉电！呢几间睡房入面好简单，得张床啦、台啦、镜啦，仲有电掣、LAN 同送支水过你，编者就觉得有啲监仓 feel 就真！而房门系有锁慨，唔惊会比人入到嚟，反而系要唔好介意度门有块大玻璃，可以望通成间房就得喇，咁都系慨，成间密室慨话，唔知啲人会响入面做乜㗎嘛，仲有万一入面有咩事，外面都望到入去，唔会有事都无人知啰！编者就只系担心咁啱会比人见到你瞓醒个样啫！

napcabs 收 €15/hr，2 粒钟就 €30，瞓得一晚都同住酒店无乜分别，系悭咗啲时间啰！

话时话，咁样瞓觉都唔平㗎！编者就笃过吓个价钱，瞓 2 粒钟要 €30，为返大概 HK$280 左右，如果好似编者咁因为 delay 成晚要瞓 9 粒钟慨话，当然无任欢迎啦，都系照计啫，咁就盛惠 €135，吓！咪即系要成HK$1,300，抵唔抵就自己谂喇，不过校啱时间可以一起身就上机，唔使预多大半粒钟又 Check out 又搭 Shuttle，悭返啲时间咁话啰！

2017-12-23 20:00:00